((( سر دبلة الخطوبة )))

كلنا عارفين ان الدبله فى اليمين يبقى خطوبه وفى الشمال يبقى جواز


بس يا ترى عارفين ليه اساسا بنلبس الدبله دى



تعالوا بقه نعرف ايه حكايه الدبله دى



الحكايه ببساطة ابتديت فى عصر الرومان وكانت ان كل عروسين بيلبسوا طوق من الزهور فوق دماغهم وده دليل على انهم ارتبطوا ببعض



وبعدين طوق الزهور اتحول لمجرد خيط ملون بيتلف حولين اصبع الخنصر واللى بعد كده اتطور طبعا وبقى دهب أو ماس



اما بقه حكايه يمين او شمال دى بقه علشان انهم كانوا فى الخطوبه بيلبسوا الدبله فى الايد اليمين لانها الايد اللى بتحلف بيها يمين العهد وفى حاله الخطوبه هنا الطرفين كل واحد فيهم اعطى عهد للتانى انهم حيرتبطوا ببعض



وبعد الجواز بتتنقل الدبله للايد الشمال ودى بقه ليها سبب علمى لان العلم اثبت ان فى الاصبع الخنصر اللى فى الايد الشمال فيه شريان رئيسى ممتد من القلب وهنا نقدر نقول ان الدبله بتتنقل علشان تكون بقيت قريبه من القلب او بمعنى تانى ان الزوجين كل واحد بقى فى قلب التانى